موضوع: نكت جامدة (2)
Thu May 03, 2007 7:27 pm
سواق ميكروباص راح يحلق شعره......الحلاق بيساله عايز تحلق شعرك ايه؟؟؟؟؟ قاله!!اى حته على جنب
مرة واحد اخترع كرسي بيفرقع لما حد يقعد عليه و يكدب.فجابوا بوش و سألوه:بتفكر تعمل ايه الأيام الجاية؟
فقال:أنا بفكر أعمل معاهدة سلام بين كل بلاد العالم،فالكرسي فرقع.
و جابو صدام حسين و سألوه:انت بتفكر تعمل ايه الأيام الجاية؟
فقال:أنا بفكر أعمل معاهدة سلام مع الكويت.
فالكرسي فرقع.
و جابو واحد بلدياتنا و سألوه:انت بتفكر تعمل ايه الأيام الجاية؟
فقال:أنا بفكر ف......فالكرسي فرقع
مرة واحد بلدياتنا نزل مصر جموستة ضاعت فرجع تاني للاؤتيل دخل اوضة غلط... شاف واحد بيقول لحببتة انا شايف الدنيا كلها فى عنيكي بلدياتنا قالو ماشفتش جاموستي.
واحد بلديتنا هيعمل عرض بالبراشوت .الكابتن قال له التعليمات "تنط من الطيارة وتفتح البراشوت لو ما اشتغلش افتح البراشوت الإحتياطي هتلاقي موتوسيكل مستنيك تحت إركبة وامشي بية " . بلدياتنا نط وبيقتح البراشوت ما اشتغلش بيقتح الإحتياطي ما اشتغلش قال يانهار ...! الخوف لو نزلت ما لقيتش الموتوسيكل.
مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تالات سنين بيتكلم انجليزي
مرة واحد دخل امتحان الفيزياء شاف سؤال بيقول عرف الكثافة؟
اذا عرفت الاجابة اتصل بنا على رقم
0900525
مرة واحد بلدينا وقع من على السلم راح للدكتور الدكتور اداله مرهم يدهن بيه مكان الواقعه راح دهن السلم.
واحد وصل المطار و بالتفتيش وجدوا كيس بودرة فصرخ ظابط التفتيش و قال ايه ده الجمرة الخبيثة فقال الراجل لا اعوذ بالله ده هيرويين
واحد غبى دخل بيته حرامى سرق التليفزيون وهرب ... جرى وراه يديه الريموت؟
مرة واحد دخل خلاطة أسمنت طلع منها يقول يلعن أبو الملاهي.
واحد خارج فى رحله خلويه مع واحد صاحبه لسانه تقيل .وكانو طالعين على جبل .فقال اللى لسانه تقيل لزميله.
نس...ن..نسي..
الثانى:نس ايه مش وقته
الاول: نس نس...نسي..
الثانى:بقولك ايه .اصبر لحد ما نطلع و اتكلم براجتك.
المهم طلعوا فقال له: ها كنت عايز تقول ايه؟
قال له: نس ..نسى.. نسينا... نسينا الخيام تحت.
الثانى:حرام عليك و جاى تقولى دلوقتى ..تعالى اما ننزل نجيبها.
المهم وهما نازلين قال اللى لسانه تقيل لزميله :كو..كو...كو
الثانى: كو ايه عايزين نخلص
الاول كو... ك..
الثانى:استنى اما ننزل و اتكلم براحتك.
ولما نزلو قال له :ها كنت عايز تقول ايه فوق ؟
الاول: كو.. كككككككككو.. كوت..كنت باهزر معاك
واحد سكران رجع البيت متأخر أوي .فتحت أخته الباب. راح مديها ألم جامد وقال:كنت فين لغاية دلوقتي ?
مرة واحد في حضانة قال لزميلته تتجوزينى؟؟
بصت له بأستحقار و قالت له أنا مبحبش العيال
فقالها و أنا كمان مش مستعجل عليهم
مرة اتنين مساطيل قوي راحوا المتحف الاثري فشاف واحد منهم هيكل عظمي فكان مكتوب جنب الهيكل الف وستمية قاف ميم فقال لزميلوا ايه قاف ميم ديه قالوه التاني ده تقريبا رقم العربية الي داسيته
واحد بيتهته دخل على صاحب مكتبة على قد حاله وقاله: أأأن ..أنا ع ع عايز اش اش اشتغل عن عن عندك بي بي بياع .الراجل قاله: بس المكتبة مش بتجيب ايراد و دخلها بسيط . قاله : بب بس جرجرجربنى.الراجل قاله ماشى استلم من بكره الصبح,..بعد اسبوعين استدعى الرجل البياع الجديد وقاله:بسم الله ماشاء الله عليك يابنى من يوم ما اشتغلت عندى و الايراد زاد, ممكن اعرف انت عملت كده ازاى؟ رد و قال:أأأبدا ككككل الحككككاية أأأن الزززبووون ال اللى يد يدخل اأأألمحل أأأقوله:تش تش تشترى ال ال الكتاب ده وللا اأأأقراءه ل ل لك,يقوم يشتريه على طول
مره دكتور امراض نفسيه دخل عنبر مجانين لقاهم عملين يتنططوا و يقولوا احنا فشار احنا فشار الدكتور بص لقى واحد قاعد مبيعملش زيهم راحله و قالو انا مبسوط منك و حخرجك من المستشفى دي بس قولي الاول انت ليه مبتعملش زيهم قالو اصلي انا فشاره لزقت في قعر الحله
مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش
الضابط للغفير: عملت إيه قبل ما تنام؟ الغفير: تممت على دوريتى واتعشيت وضربت كفتة ونمت! الضابط: وانت عملت إيه؟ الغفير الثانى: نفس الحكاية تممت دوريتى واتعشيت وضربت كفتة ونمت.الضابط: وانت؟ الغفير الثالث: تممت دوريتى واتعشيت ونمت. لضابط: وكفتة؟ الغفير: ماهو أنا كفتة
مرة واحد بلديتنا ربنا كرمه ? فتح فرن عيش, اول يوم راح واحد اشترى منه 10 ارغفة ? روح بيتهم فتح اول رغيف وجد فيه ودن فار , فتح تانى رغيف وجد فيه رجل فار , فتح تالت رغيف وجد فيه ديل فار , راح تانى يوم لبلديتنا قال له ايه ده ياراجل انا حابلغ التموين ? اقفل لك الفرن ده , رد عليه بلديتنا ? قال له ايه يا استاذ انت ما بتفهمش ولا ايه , دى مسابقة انا عاملها جمع الفار تكسب الفرن
مرة واحد ماشي على البحر شاف ثعبان أعمى الرجل : نفسك في ايه الثعبان : نفسي أعمل عملية وأشوف الرجل : ليه الثعبان : علشان أشوف حبيبتي ونور عيني الرجل كان طيب وعمل له عملية ورجعه مكانه وبعدها بيومين راح الرجل يطمأن عليه وجد الثعبان بيبكي الرجل : مالك ياعم ثعبان مش عملنالك عملية عشان تشوف الثعبان : أصل اللي بحبها طلعت خرطوم
مرة واحد اهوجى اشترى عربية طلع الكراسى بره
تنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا
الضابط:يوم السبت الجاى يوافق 2 يا عسكرى العسكرى: لو ضغطنا عليه حيوافق يا أفندم
مرة واحد راح للحلاق قاله ممكن اخد دقنى. الحلاق قاله : هو انت نسيتها هنا ؟؟؟؟
مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى
واحد بواب كل يوم ينزل ينادى على مراته ويقول لها : عاوزة حاجة قبل ما أروح الشغ فتقوله : لا يروح قاعد على الدكة
واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو
مرة واحد راح السودان بالليل مالقاش حد
واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش
كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابو سريع علي ابو سريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام سريع "تصدق يابوسريع نسينا اهم حاجة نسينا الملاحة عشان الاكل ..اخطف رجلك وروح البلد هاتها .."صرخ ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولس صغير.."ونادوا ابو سريع وقالولهه بل قالوه وبعتوه مرت السنين...حوالى40 سنة وابو سريع مجاش السلاحف بدأت تقلق فقالت ام سريع احسن ناكل بدل ماالاكل يبرد ومايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري...
مرة واحد بلديتنا حب يحتفل بعيد الطفولة .. عملها على نفسه
اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
على حسب الله عضو مجلس الشعب عمل استجواب لوزير المواصلات، ليه القطارات بتيجى كل يوم متأخر؟ الوزير وعد ان من بكره القطارات مواعيدها حاتتظبط ! تانى يوم على حسب الله خد التليفزيون والصحافة علىمحطة السكة الحديد، الميه تكدب الغطاس ! القطر اللى كان ميعاده عشرة وصل عشرة الا ربع! الصحفيين اتلموا على السواق يحيوه ويسألوه ازاى نجح فى عمل المعجزة دى، فرد: معجزة ايه؟ هوالنهارده ايه بالصلاتو على النبى؟ الاربعاء. ده ياخواننا قطر يوم التلات ..
مرة اتنين أصحاب كانو في السينما فواحد قال للتانى تراهنى انى اضربلك اللى قاعد هناك دة علي قفاة رد علية صاحبة وقال طبعا متقدرش راح قايم وضربة وقاللة محمد انت هنا من بدري راح الراجل بص لة وقالة انا مش محمدقالة انا اسف كنت فاكرك محمد المهم رجع لصاحبة تانى قاللة تراهنى اضربة لتانى مرة علي قفاة قاللة المرادى بقي متقدرش راح قايم وضربة وقاللة محمد انت هنا من بدري قاللة يا عم قلت لك انا مش محمد قاللة انا اسف كنت فاكرك محمد راح الراجل زهق راح غير مكانة راح اراجل اللى بيضرب قال لصاحبة تراهننى ولتالت مرة اضربهولك علي قفاة قاللة المرة دي بقي متنفعش راح قايم ولف وراح ضربة وقاللة انت قاعد هنا ونا عمال اضرب الراجل هناك
مره واحد لاقى جيرانه عاملين دوشه فنده انتو ياللى فوق بطلو الخبط ده فرد ابنهم الصغير عليه و قال: معلش يا عمو اصل ماما بتنفض البنطلون بتاع بابا فقاله: البنطلون تقيل قوى كده لدرجه انه يعمل الدوشه دي كلها فرد الولد و قاله: اصل باباجوه البنطلون.
واحد قال لجاره "الحق الثعبان دخل علي حماتك في غرفتها رد وقال "سيبه يستاهل"
مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة اعجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى وتمسك الورشة مكانى... وبعد يومين قال عزوز لصاحب الورشة انا اعرف "بوش" ولكن صاحب الورشة المرة ديا قال لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وبوش ونقول لك هاى وفعلا عزوز طلع هو وبوش بعد خمس دقائق الراجل صاحب الورشة اغمى علية وراح المستشفى . ولما فاق عزوز بيسألة انت اغمى عليك علشان شفتنى انا وبوش .صاحب الورشة قال لا يابنى انا اغمى علية علشان انت والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
لية الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي.
مره واحد بلديتنا كان بيدق مسمار فى الحائط فالمسمار وقع منه فقال له :تعالى
فلم يجي, فقال له: تعالي فلم يجى. فراح بلديتنا رامي على المسمار شوية مسمامير
وقال: هاتوه.
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد
مرة واحد بلدياتنا عرف ان الجلد موضة مشى عريان
شوية نكت ترد الروح افردها يا عم
في المدرسه استاذ الحساب بيسال التلميذ: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ: مش هيرجع حاجه يا استاذ
الاستاذ: اقعد يا ابني انت متعرفش حاجه في الحساب
التلميذ: انت اللي متعرفش ابويا
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة ؟
فرد عليه الأول يعني هي قطر دولة أوروبية ؟
مرة حلاق و ابنه بيتفرجوا على متش كورة فقال المذيع : وشطها بمشط
رجله وجت فى المقص فقال ابن الحلاق : بابا دول بيلعبوا فى العدة
مرة واحد عجلاتى قعد على قهوة طلب كاوتشينو
واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
· هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه
· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة اناالفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
بلدينا ماسك قنبله وعمال يحدفها من الإيد دى للايد دى ، قابله واحد تانى قال له خرب بيتك ولما تنفجر فى وشك ، قاله : ماتخافش معايه غيرها
12. في صرصور عم يركض وراء سيارة الصرف الصحي سالوه ليش قال لهم ابن الكلب شفط الحرمة
في واحد نام متأخر ........ فاته الحلم
نذل تزوج راح شهر العسل لوحده؟؟؟؟؟؟؟
فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها
مره نكته ماشية بتعيط ليه؟؟ عشان واحد ضحك عليها
غبي دافن نصه في الارض ليه ؟ بيصور فيديوكليب انا عايش ومش عايش
س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع
2007-07-20, 10:18 am